Davao City – Arestado sa Sta. Ana Police Station ang usa ka negosyante sa buy bust operation sa Purok 1 Brgy. 23-C, Mini Forest Boulevard, syudad sa Davao.
Base sa report sa Presinto Dos naila ang dinakpan nga si Mark Anthony Sultan, 39 anyos, residente sa Purok 3 Brgy. Alambre, Toril, Davao City.
Sumala pa napalitan sa kapolisan ang suspek og usa ka elongated heat sealed transparent plastic sachet nga gitohoang shabu kambiyo ang P500.00 buy bust money.
Narekover sa kapolisan ang laing pakete nga gituohang shabu nga dunay estimated street market value nga 2,000.00 ug uban pang illegal drug paraphernalia.
Si Sultan anaa sa drug watchlist subay sa monitoring sa kapolisan.
Suspetsdado mag-atubang og kasong kalapasan sa Republic Act 9165 (Comprehensive Dangerous Drugs Act of 2002).
RadyoMaN Don Pulayao
