Davao City – Naundang ang pagpamaligya og iligal nga druga partikular sa shabu ang usa ka babaye human makuhaan sa kapolisan sa Toril ug ubay-ubay nga kantidad sa druga sa gipahigayong search warrant sa panimalay niini.
Nag-isyu ang kapulisan og search warrant nga pirmado ni Hon. Judge Emmanuel Carpio, executive judge sa RTC 11, batok ngadto kang Emerita Caylan Russel, 48 anyos, usa ka negosyante ug residente sa may Blk. 1 Lot 11 Coop Heights Brgy. Binugao, Toril ning siyudad.
Sa gilusad nga search warrant nakita gikan sa ilawom sa higdaanan sa suspek ang duha ka mga medium size plastic heat saled sachet nga dunay sulod sa gituohang shabu ug tulo ka mga transparent sachet nga adunay residue sa gidiling druga nga mokantidad og P30,000.
Balhog na sa prisohan ang maong suspek ug gi-turn over na ngadto sa Philippine Drug Enforcement Agency 11 (PDEA-XI) ang mga narekober aron sa laboratory examination.
RadyoMaN Paul Canono
