Lakip usab sa mga nakasuhan ang duha ka mga ex-New People’s Army nga sila Rosalino Degracia ug Alemar Awado ang nagkunsabo usab sa pagpatay sa biktima.
Ang pagka-indict sa tulo sa kaso subay kini sa confession mismo sa gunman nga si Jeffrey Mamerto.
Gisugo matud pa kini sa business partner sa biktima nga si Baylon nga ipapatay si Afdal sa kantidad og P200,000 ngadto usab nila sa laing mga suspek sa maong murder case.
Namatay si Afdal niadtong Nobyembre 15,2021 samtang nagpaalim sa iyahang nahiagumang samad pinusilan human kini gibanhigan sa mga respondents sa kaso niadtong Oktobre 26,2021 sa Barangay Sta. Cruz, Rosario, Agusan Del Sur.
Emosyunal nga niatubang sa Davao Media ang asawa sa biktima nga si kanhi Military Col. Evelyn Afdal ug ang pamilyang Afdal sa paguswag sa kaso.
Gibutyag ni Evelyn alang kaniya nasakitan sila’g pag-ayo human masayri nga gitraydor sila sa mismong business associate sa iyahang bana nga maoy utok sa giingong pagpapatay.
Gipanganti si pamilyang Afdal nga walay makapugong kanila diha sa pagkab-ot og hustisya.
RadyoMaN Aimee Guinita
