Davao City – Mireklamo sa Sta. PNP ang sa ka negosyante nga si Sebatian Enrique Sabla, hamtung ang pangidaron ug residente sa may Dacudao Ave. Palm Vill. Brgy. 20-D ning siyudad.
Sumbong sa maong complainant nga sa dihang bu-ot siya nga mopalit og durian sa may kanto Bagong Buhay dalang Dacudao bandang alas 8:00 sa kagabhion sa dihang kalit siyang giduol sa usa ka wala mailhing laing durian vendor ug gihanaan siya sa pagdunggab gamit ang usa ka wala pa mailhing mahait nga hinagiban.
Sa kahadlok, dali siyang nangayo og pakitabang sa buhatan sa kapolisan sa Sta. Ana.
Ginasubay na karon sa kapolisan ang pagkatawo sa supetsado sa gihimo nga follow-up investigation sa kapulisan ug gipasa una sa barangay level ang kaso.
Sa pikas bahin, usa ka 16 anyos nga lalake usab ang gidunggab sa kontra nga grupo sa batan-on.
Sa dalan pa lang daan paingon sa lugar kung asa himoon ang riot, gi-unahan na og luba sa kontra si alyan Jan-Jan, 16 anyos, nagpuyo sa Buhisan Bunawan, alas 2:30 sa kadlawon.
Gi-agni matud pa sa iyang amigo nga mupa-uli na sila apan mibalibad si Jan-Jan kay buot pa kini og muapil og riot uban sa iyang mga barkada.
Samtang nagbaktas ang biktima San Juan Tondo Buhisan Bunawan, kalit na lang kini gihunungan sa nakamotor sakay ang duha ka suspek gilayon dunggab sa likod nga bahin sa lawas sa biktima dayon sibat ang mga suspek.
Daling gidala sa Southern Philippines Medical Center (SPMC) ang biktima sa iyang higala.
RadyoMaN Paul Canono / RadyoMaN Joel Viray
