Sumala ni Ulysses Paco, kuwang kaayo ang P15k nga subsidy kanila hatod sa dakong kantidad nga mawala kaniya gumikan sa price ceiling sa presyo sa bugas nga gipatuman sa kagamhanan.
Segun ni Paco, anaa sa P8 ang mawala nga halin o P400 nga lugi gawas nga dili na mabawi ang capital, wala pay ginansiya, busa dili layo ang posebilidad nga dili ra maabtan og usa ka bulan manirado kini sa iyang bugasan sa Agdao Public Market.
Gikwestiyon pa niya ang gobyerno, kung nganong ang rice retailers lang ang gipatungan sa price ceiling ug dili ang mga traders ug Importers.
Taliwala sa mga mulo, walay mahimo ang nasampit nga rice retailer, gawas sa pagsunod sa gitakdang presyo nga P41 ug P45 sa well milled rice, aron dili multahan ug kasohan sa gobyerno.
RadyoMaN Joel Viray
