Tambulig, Zamboanga del Sur – Patay ang 45 anyos nga babayeng negosyante human kining gipusil alas 07:45 kagabii didtong dapita sa Purok 3, Barangay Happy Valley, Tambulig, Zamboanga del Sur.
Giila ang biktima nga si Nellie Paso, residente sa Barangay Lilo-an, Bonifacio, Missamis Occidental diin gipusil kini sa duha ka wala mailang suspetaso nga sakay sa single motor.
Sa inisyal nga imbestigasyon nasayran nga sakay ang biktima sa iyang service vehicle gikan sa Brgy.Lilo-an, Bonifacio, Missamis, Occidental paingon sa lungsod sa Tambulig, aron sa pagtambong sa tigom sa Seventh Day Adventist Church.
Pag-abot sa biktima sa simbahan, dali kining nanaog sa sakyanan uban ang iyang duha ka helper nga sila si Nielton Hemoros Cagas ug Ma. Verlma Cagas apan kalit nga niabot ang mga mamumuno sakay sa single motor og walay langan nga nipusil sa biktima.
Daling gidala sa ospital ang biktima apan patay na kining nahidangat sa balay tambalanan, nakuha sa crime scene ang tulo ka basiyo sa bala sa . 45 nga pistola.
Blangko pa ang kapulisan pa motibo sa maong pagpamusil.
