GENERAL SANTOS CITY- Gipailawom karon sa hugot nga monitoring ang negosyanteng Chinese sa General Santos City human gikumpirma ni Dra. Lalaine Calonzo, Assistant Department Head sa City Health Office nga usa ka lalaking gikan sa Wuhan, China ang gipa-iallom karon sa Person Under Monitoring human kining mi-abot sa Gensan milabay’ng Enero 23.
Matod ni Dra. Calonzo nga upat na katuig nagpuyo sa Gensan ang negosyanteng Chinese tungod may negosyo kini sa siyudad.
Nitambong kini og Chinese New Year sa Wuhan, China nga maoy epicenter sa novel coronavirus – acute respiratory disease.
Nag-self isolation na matod pa ang nahisgutan human miabot sa Gensan base sa impormasyon sa assistant manager sa negosyo sa maong tawo.
Nagpaklaro na lamang karon si Dra. Calonzo, ang mga tawong pwedeng matawag nga ‘person under monitoring’ kadtong nag-gikan sa mga lugar nga apektado sa nCoV.
Kanunay ang ginahimo nga pagmonitor sa nasangpit nga chinese national aron masayran kung may mga sintomas sa nCoV, apan sa karon nagpabilin matud pa nga negatibo.
Dugang ni Calonzo nga walay angay ikabalaka ang publiko sa tawong gipailawom sa PUM tungod wala pay mga sintomas nga sila ang infected sa virus.
For more info’s and updates, like and share our official facebook account : www.facebook.com/ifm91.9Gensanofficial/
[image: nocov sa gensan.jpg]
