Negosyanteng dayo sikop, nakuhaan og dul-an 300K kantidad sa shabu gikasohan na

Davao City- Napasaka na sa San Pedro Police Station ang kaso batok sa negosyanteng dayo nga giilang si Krishan alias Shan 41 anyos, taga Malalag, Davao Del Sur human malampusong napalitan og illegal nga droga atol sa gikasang buy bust operation niadtong milabay’ng adlaw sa Purok 5, San Nicolas, Brgy. 8-A, Davao City.

Sa interview sa DXDC RMN Davao kang Police Major Marvin Hugos, ang Hepe sa San Pedro Police Station gisulti niya kasong kalapasan sa RA 9165 Comprehensive Dangerous Drugs Act of 2002 ang napasaka sa korte batok sa dinakpan.

Segun ni Hugos, usa sa ginapanid-an sa mga awtoridad ang suspect nga nagabaligya og gidiling droga og hidlas kini apan nataymingan sa mga operatiba resulta sa pagkasikop nakuhaan og 39.6 grams nga shabu og mokantidad sa Php 269,280.00 lakip nakumpiska usa ka selpon ug usa ka unit Toyota Vios Gray nga gisakyan sa suspect.

“Davao area nagabaligya og nataymingan gyod ni sa atong area og ginamonitor pod ni sya sa uban mga station”, sulti ni Hugos.

Ang pagkasikop sa dinakpan kini kabahin sa mas gipakusgan nga kampanya kontra illegal nga droga ngadto sa ilang area of responsibility (AOR) ubos sa pagdumala ni Police Major Marvin Hugos, ang Station Commander sa San Pedro Police Station.

RadyoMaN Don Pulayao