ILOILO City – Gin-ganyat ni Mayor Jose Espinosa III ang mga negosyante nga mag-reinvest sa syudad sang Iloilo.
Suno sa alkalde sa bulig sang mga negosyante renaissance period sang investment ang syudad sang Iloilo subong.
Pahayag sang alkalde ini ang dapat hingalitan sang mga negosyante subong.
Sa iya mensahe sa tion sang induction sang Iloilo City Trade and Investment Promotion Board ginganyat sang alkalde ang mga negosyante nga magpatindog sang mga buildings agud masabat ang kinahanglanon nga infrastructures sang mga nagasangkad nga call center industry.
Pasalig sang alkalde mas padasigon pa gid sang syudad ang business permit processing sa 30 minutos na lamang kun kumpleto ang papeles.
In place naman ang mga infrastructures kag utilities sa syudad kaangay san tubig, kuryente kag connectivity.
Sa masunod nga semana, liwat tipunon sang alkalde ang mga negosyante para sa counterpartying sa mga british investors nga magabisita sa syudad.
