BACOLOD CITY — Nasubu-an man pero ginarespetar sang mga opsiyales sang Negros Occidental ang nangin desisyon ni Pangulong Rodrigo Duterte nga i-revoke ang Negros Island Region (NIR).
Suno kay Gov. Alfredo Marañon Jr., sang nahibalu-an sini ang balita, wala na siya nagkomento bangud nagpagwa na ang Malacanang sang Executive Order (EO) No. 38 na naga-revoke sang EO No. 183 ni anay Pangulong Noynoy Aquino sadtong 2015.
Suno naman kay Dr. Ma. Lina Sanogal, coordinator sang Provincial Planning and Development Office kag miyembro sang technical working group sang NIR, ginalauman na nila nga maseparar liwat ang Negros Oriental kag Negros Occidental bangud sang nagligad pa lang nga tuig nagsiling na si Budget Sec. Benjamin Diokno nga iga-revoke ang rehiyon bangud kulang ini sa pondo.
Wala naman ini sang malain nga epekto sa duha ka probinsiya bangud mas nagbakud pa ang relasyon sang duha ka Negros provinces.
——————–
LIKE OUR OFFICIAL FACEBOOK PAGE: www.facebook.com/ifmbacolod943
