Negros Occidental Dry run sa covid vaccination patigayunon na sa banwa sang Murcia

Sa banwa sang Murcia na patigayunon ang simulation ukon dry run sang COVID vaccination sa maabot nga March 12, 2021.

Suno kay Provincial Administrator Atty. Rayfrando Diaz nga ini ang resulta sang pag-convene sang COVIC-19 Vaccination Task Force.

Madumduman nga una gintalana ang dry run sa banwa sang Candoni apang sang ulihi ini ang ginsaylo bangud nga malayo ini kag mas malapit ang banwa sang Murcia para may kahigayunan man ang iban nga LGU nga makatambong sa simulation.


Samtang, ginpahayag ni Diaz nga isa sa mga challenges nga ginatutukan karon sang probinsya amo ang pagkampanya sa publiko para ma-engganyo sila nga magpakuna kasunod nga manubo ang turn-out sang acceptance diri.

Sa pihak nga bahin, ginpahayag karon ni Diaz nga ang mga health frontliners sang Negros Occidental ang wala nalakip sa initial roll out sang national government sa Sinovac vaccines.

Gani sa gin-order na lamang sang probinsya nga 100,000 doses sang AstraZeneca pagakuhaon ang iga-bakuna sa mga health frontliners sang Negros Occidental kon ini ang mag-abot na.

Apang ginaklaro sang gobierno probinsya nga wala sang kontrol ang probinsya sa kon san-o magaabot ukon iga-deliver ang AstraZeneca.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments