Negros Occidental hilway sa bird flu virus

60

NEGROS OCCIDENTAL – Nagapabilin karon nga hilway sa bird flu virus ang kabug-usan nga probinsya sang Negros Occidental.

Ini ang ginklaro ni Provincial Veterinarian Dr. Reynante Decena angut sa outbreak karon sang Avian Flu Virus sa probinsya sang Pampanga.

Suno kay Decena nga dapat lang sundon sang mga breeder sang manok ang mga nagakaigo nga quarantine period agud malikawan ang contamination.

Ginpaathag sang provincial veterinarian nga nagpagwa na sang order ang Bureau of Animal Industry para sa temporary ban sa pagdala sang mga live domestic kag wild birds halin sa Luzon pakadto sa Visayas kag Mindanao.

Nahibaluan nga kapin na sa isa ka milyon ka mga manok ang naka schedule nga patyon sa nagkalain-lain sa poultry farms sa Pampanga bangud sang amo nga outbreak.

Ang Negros Occidental ang nagaproduce sang duha ka milyon ka nga manok gikan sa mga commercial poultry raiser kag mga pito ka milyon naman gikan sa mga backyard raiser sa diin nagakadto ini sa mga restaurants kag Bacolod Manokan Country.

Ang kulang subong sa probinsya amu ang mga itlog sa diin nagakuha pa ang Negros Occidental sa banwa sang Bantayan sa Cebu. /dyHB BACOLOD

Facebook Comments