Bacolod City – Magahatag sang isa ka milyon ka pesos ang Negros Occidental paagi kay Governor Alfredo Marañon, Jr. bilang bulig snag mga Negrosanon sa mga nahul-an sang giyera sa tunga sang pwersa sang gobyerno kag sang Maute terrorist group.
Suno kay Marañon nga isa nalang ginahulat ang approval sang Sangguniang Panlalawigan sa masunod nga semana matapos nga wala ini nahingagaw sang nagligad nga semana nga sesyon.
Magluwas sa cas assistance nagakampanya man ang probinsya sang bulig gikan sa pribado nga sektor sa diin ang bulig mahimo nga madul-ong sa opisina sang Provincial Social Welfare and Development Office (PSWDO) sa capitol.
Para kay Marañon, may obligasyon moral ang tagsa ka may ikasarang nga tagaan man sang pagtamod ang mga nahul-an sang giyera ilabi na ang mga sibilyan nga ara sa mga evacuation centers.
