General Santos City—arestado ang usa ka negusyante ug kaubanan niininiing pintor sa gihimong Buybust operation sa City Drug Enforcement Unit (CDEU) sa area sa Prk. Malinawon, Barangay Calumpang alas 9:00 ang takna sa gabie, Myerkules, June 21, 2017.
Suspek nga nadakpan nailhang si Frudencio Lumawag, legal age, negusyante, residenti sa Prk. Malinaawon, Barangay Calumpang ug Hennie Santos, 34, pintor, residenti sa Prk. Sta. Cruz, Basrangay Calumpang.
Usa ka pulis nga sakop sa CDEU ang nag pakarong-ingnon poseur kung asa iyang napalitan ug (1) ka sachet sa gituohang shabu ang suspek bugti sa P500.00 nga marked money.
Dihang girikisa ang suspek isip Standard Operating Procedure, nakuhaan pa ug laing (5) pa ka sachet sa gituohang shabu ang nahisgutan ug nakuhaan usab kini ug (1) ka unit sa Cal. 38 revolver ug (6) ka buhing bala.
Samtang apil usab nga gisikop si Santos human nga anaa siya sa lugar dihang gihimo ang operasyon.
Sa karon ang suspek balhog na sa silda sa Tambler Police Station. Samtang giandam na sa kapulisan ang kasong paglapas sa RA 9165 batok sa mga nahisgutan.
