Davao City – Dali na makauli na ug di na kaayo gasto.
Kini ang sagad komento sa netizens sa DXDC RMN Davao FB page human giwagtang na sa Davao City ang mandatory RT-PCR testing sa domestic sea, air, ug land travel.
Pipila lang sila Simlyn Roxas Paja ug Maribel Jabat Ignacio ang mi-comment nga dali na sila makauli sa syudad, makatipid na sa biyahe ug nagpasalamat usab sila sa gobyerno tungod niini.
Kagahapon. Nov. 15, 2021, nagpagula og Executive Order no. 66 Series of 2021 ang lokal nga gobyerno sa pagwagtang sa (RT-PCR) result requirement lakip ang ubang dokumento pasulod dinhi sa syudad.
Apan alang sa mga pasahero sa international air travel nga pasulod sa dakbayan ug kadtong mga dunay connecting domestic flights, kinahanglan mag-comply sa requirements ug guidelines sa Inter-Agency Task Force for the Management of Emerging Infectious Diseases.
RadyoMaN Renz Barbarona
