Giabandona ug napalgan ang nasangpit nga baby alas-7:30 sa buntag, adlawng Lunes, Enero 22,2024 sa cacao-an sa Apigo Farm, Purok 7, Lacson, Calinan ning syudad.
Nakabalot ang infant og itom nga pranela dihang nakita kini ug unang gihatod sa Dr. Lorenzo Principe Clinic alang sa medical treatment.
Sa interbyu sa DXDC RMN Davao kang Police Major Alberto Abella, Calinan Police Station Commander, nakigkoordinar na sila sa barangay aron mahibaw-an kung kinsa ang inahan nga niabandona sa bata.
Nanawagan kini sa mga taga-Calinan nga i-report dayon kanila kung aduna may impormasyon may kalabutan sa ginikanan sa bata.
Segun sa hepe kasuhan og paglapas sa RA 7610 ang inahan kansang walay kaluoy nga giabandona ang bag-ong himugsong bata.
RadyoMaN Aimee Guinita
