Davao City – Gipaningkamutan karon sa New Corella Municipal Police Station (MPS) nga mahatagan og hustisya ang pagpusil-patay sa usa ka magtutudlo nga si Grace Galfo niadtong Hunyo 13, 2023.
Sa interbyu sa DXDC RMN Davao kang Police Major Nidzfar Mangkabong, hepe sa New Corella MPS, gisulti niini nga aduna nay kalambuan sa kaso ug ilang ginabuhat ang tanan aron nga mahatagan og hustisya ang insidente.
“Under investigation gihapon ta. Pero naa na tay lead pero walay pay 100% gyud. Na-work out na man nato,” matud ni Mangkabong.
Una na nga gikondena sa Department of Education (DepEd)-XI ang insidente, diin hugot ang koordinasyon sa departamento sa kapulisan sa kasolbaran sa maong krimen.
RadyoMaN Kirby Manzon
Facebook Comments
