General Santos City–Lauman matud pa sa mga Generals ang bag-ong nawong sa tuna festival sa Gensan karong tuiga mao kini ang nahimong pagbutyag sa mga organizers sa tunafestival karong tuiga.
Sumala pa nilang Chiclet Rillo, Tuna Festival Director ug Marife Quiam nga sa karon nga festival masinati gayud sa mga muadto sa oval plaza ang tinuod nga Tuna Festival kung asa sa opening matud pa aduna silay ipatilaw nga libreng sashimi sa katawhan nga motambong ingon man aduna usay ibutang nga sashimi street kung asa naga-baligya ug mga tuna products alang sa mga generals ug mga torista nga buot masinatian ang tuna sa Gensan.
Sa karon syento porsyento na matud pa silang andam sa pagabuhaton nga grand-opening para sa Gensan Tuna Festival.
Nanawagan man usab kini sa tanang Generals nga buot makigsadya sa mga pasundayag nga ilahang giandam matag gabie nga dili nalang mag dala ug mga bawal nga butang aron nga dili magkaproblema sa pagsulod sa oval plaza. (Dave Silagan)
