Davao City – Gisugdan na pag apod-apod ang bag-ong FM (Food and Medicine) Pass alang sa Davaoeños nga gamiton pagpalit og pagkaon ug medisina.
Sa interbyu sa DXDC RMN Davao kang Davao City Councilor Edgar Ibuyan Sr., gibutyag niini nga gilayong gihimo ang distribusyon sa bag-ong FM Pass human napasar usab ordinansa niini kagahapong adlawa (December 15, 2020).
“Nag distribute na (sa new FM Pass) niadto’ng Martes (December 15, 2020). Nakapasa na man ‘ta sa listing sa mga purok leaders nato kung kinsa ug pila ka households ang atong hatagan dapat. Na-deliver na nato, gi house to house nato,” segun ni Ibuyan.
Matud ni Ibuyan, gawas sa control number, color-coded na ang bag-ong FM Pass diin color green ang sa 1st district, color blue sa 2nd district ug color red sa 3rd district.
Ilawom sa FM Pass Ordinance, mamahimo’ng mamultahan og P5,000 ang kinsa ma’ng mag tamper sa FM Pass sama sa pag ilis sa holder’s name ug control number niini.
RadyoMaN Kirby Manzon
