Davao City – Gipahigayon karong adlawa, Hunyo 21, 2019, sulod sa Session Hall sa Sangguniang Panglungsod ang Inaugural Ceremony sa mga bag-ong napili nga mga opisyal sa lokal nga panggamhanan ug membro sa House of Representatives sa syudad sa Davao.
Gipangulohan ang maong inagurasyon nila RTC Branch 14 Judge Jill Rose Jaogan ug RTC 7 Judge Rufino Ferraris Jr..
Listahan sa mga newly-elected officials:
Unang distrito:
Congressman: Paolo Duterte
Councilors:
Mabel Acosta
Melchor Quitain Jr.
Kap Ibuyan
Bonifacio Militar
Nilo Abellera
Pilar Braga
Pamela Librado
Jessica Bonguyan
Ikaduhang Distrito:
Congressman: Vincent Garcia
Councilors:
Danilo Dayanghirang
Diosdado Mahipus
Louie Bonguyan
Ralph Abella
Javi Campos
Dante Apostol
Richlyn Justol
Jonard Dayap
Ikatulong distrito:
Congressman: Isidro Ungab
Councilors:
Alberto Ungab
Wilfredo Al-ag
Joselle Villafuerte
Conrado Baluran
Myrna Dalodo-Ortiz
Petite Principe
Cocoy Zozobrado
Sweet Advincula
Sa maong ihap sa mga konsehal, walo niini ang bag-o sa posisyon, upat ang mibalik nga nanerbisyo na kaniadto ug ang 12 pulos re-electionists.
Presente sa maong okasyon ang pamilyang Duterte nga sila Davao City Mayor Sara Duterte-Carpio, igsoon niini nga sila Vice Mayor-Elect Sebastian Duterte, 1st District Congressman-Elect Paolo Duterte uban ang ilang inahan nga si Elizabeth Zimmerman.
Mitambong usab ang mga dagkong opisyal sama nila Martin Romualdez ug kanhi Presidential Spokesperson Harry Roque.
Ulahing nanumpa ang mayor diin mihatag kini sa iyang mesahe.
Gipasalamat ni Duterte-Carpio ang mga kanunay misuporta sa iyang administrasyon.
Gibutyag niini ang mga tutukan pang proyekto atol sa iyang termino partikular ang hingpit nga pagproklama sa Davao nga Insurgency-free sa tuig 2020, pakunhuran pa ang kasamtangang poverty incidence nga 7.8% record niadtong 2018, mas hugot pa nga seguridad sa syudad ingon man magpadayon ang kalamboan pinaagi sa ginapatukod nga bag-ong mga imprastraktura.
RadyoMaN Jason Amisola
