Ivisan, Capiz – Arestado sa ginpatigayon nga drug buy bust operation sang Ivisan PNP ang 27 anyos nga lalaki sa Barangay Sta. Cruz, Ivisan, Capiz. Ginkilala ang suspek kay Melchor Odicta, residente sang Barangay Malocloc Sur, sang amo man nga banwa.
Nakuha sang mga kapulisan sa kamot ni Odicta ang 8 tanan ka sachets sang suspected shabu kag 500 pesos nga marked money. Nahibaluan nga isa ka newly-identified drug personality kag ginakabig nga street level target sang mga kapulisan ang nasambit nga suspek.
Nakahunong na sa lock-up cell sang Ivisan Municipal Police Station si Odicta kag natalana nga pagapasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002.
Facebook Comments
