Newly-identified nga Drug personality sa banwa sang Barotac Viejo, Iloilo, dakup sa Buy bust operation..

Dakup sa buy bust operation sang Barotac Viejo PNP mga alas 8 sini lamang nga gab-i ang newly identified nga drug personality sa banwa sang Barotac Viejo, Iloilo.
Ginkilala ang subject nga si Danilo Lego, 21 anyos, isa ka construction worker, Pumuluyo sang People.s Village sa barangay Vista, Alegre, Barotac Viejo, Iloilo.
Ginpahayag ni Police Chief Inspector Joven Arevalo, hepe sang Barotac Viejo PNP nga arestado ang subject matapos mabaklan ini sang poseur buyer sang isa ka sachet sang suspected shabu kag nakuha pa gid sa posisyon sini ang tatlo pa ka sachet sang illegal nga druga nga nasulod sa pakete sang sigarilyo.
Suno pa kay Arevalo nga madugay na nga gina-surveillance sang kapulisan si Lego kag gin-kasa sini nga gab-i ang buy bust operation.
Dugang pa sang Chief Of Police nga nagakuha sang iya supply sang illegal nga Druga si Lego sa banwa sang Pototan kag sa Capiz.(sspunay)

Facebook Comments