Aminado ang National Food Authority (NFA) nga indi sini puwede kontrolon ang presyuhanay sang bugas sa merkado ilabi na karon nga paskwa.
Suno kay Rebecca Olarte, spokesperson sang NFA, 18% lamang ang naangkon nila sa target nga local procurement sang humay.
Bunga sini, wala sila sang mahatag nga barato nga supply sang bugas agud ma-stabilize ang presyo sa merkado.
Suno sa iya nga indi makontrol sang ahensya ang presyo sang bugas bangud dikta ini sang market forces.
Target sang NFA nga makabakal sang 3 ka milyon ka bags sang humay sa presyo nga 17 pesos kada kilo apang nagtapos na ang Nobyembre nga nakabakal lamang ini sa 566,121 ka bags.
Wala sila sang mahimo bangud nakuha na sang private traders ang daku nga bulko sang mga ani nga humay nga ginbakal nila sa mas mataas nga presyo.
