Davao City – Kinse anyos si Tatay Leoncio Fusingan dihang nagsugod siya og pang-uma sa ilang kahumayan sa Sultan Kudarat ug nag-edad na siya karon og 76 anyos, uma gihapon ang iyang hilig.
Napahuman ni Tatay Leoncio uban sa iyang misis nga si Nanay Merlinda ang siyam nila ka anak kinsa pulos na nagtrabaho sa abroad pinaagi lang sa ilang kahumayan.
Suma sa magtiayon nga dili paigo ang suporta sa gobyerno kanila ug lisod sab ibaligya sa NFA ang ilang humay hilabi na kun basa sanglit walay kaugalingon nga dryer ang mao nga buhatan.
Mapugos og baligya ang magtiayon sa ilang humay ngadto sa mga traders bahala’g barato kay insegida ang bayad apan sa NFA pabalik-balikon pa sila og duha ka buwan ayha sila makasapi.
Suma ni Dominador Cabuenas nga mas ganahan pa kini mubaligya sa ilang humay sa trader kay naa man dayon ang bayad dili pareho sa NFA papunduhon pa og dugay ang ilang humay ayha sila bayaran.
Ug nagtoo kini nga usa lang kini sa mga hinungdan ngano magkapa-kapa ang NFA kun kulang ang suplay sa bugas ug dugang pa gyod ang pagcartel sa pipila ka mga traders.
Dungan sa pagkuwang sa suplay sa bugas namatikdan sab sa mga kunsumante ang pagsaka sa one peso nga usbaw sa presyo sa bugas karon.
Nagduda si kasamang Arnold nga gituyo sa mga negosyante ang pagcartel sa bugas kay aron kun kuwang na ang suplay dinha na nila ibaligya apan sa mas mahal na nga presyo.
Gidasig a ni Cabuenas ang NFA nga dili na paabuton mahurot ang suplay sa bugas sa nasud busa mas maayo mag-import na dayon og bugas sa laing kanasuran sama sa Vietnam.
Panawagan ni Asosasyon sa mga Mag-uuma sa Dabaw Chairperson Ronaldo Ombis sa kagamhanan mao nga pakusgan ang agrikultura ug tabangan ang mga mag-uuma aron mahimong self-reliance ang Pilipinas sa ingon dili na magsige og import sa ubang nasud sama sa Vietnam.
RadyoMaN Joel Viray
