Iligan City- Nabalaka si National Food Authority kun NFA Iligan ug Lanao del Norte Officer In-charge Sambitory Dimaporo nga kun mopasaka ug presyo ang mga negosyante ug bugas sa kamerkaduhan.
Kini human nahubsan na gayud ug stock sa bugas ang NFA Iligan karong panahona.
Matud ni Dimaporo, dili nila kontrolado kun ugaling mosaka man ang presyo sa mga commercial rice sa kamerkaduhan gumikan sa kawad-on sa stock sa NFA rice.
Gani, kun mahurot na ang gikomprang NFA rice sa mga retailers posibleng wala napud unya’y baligya nga NFA rice sa kamerkaduhan.
Apan subay sa ulahing monitoring sa NFA pabilin pang stable ang presyo sa mga commercial rice sa kamerkaduhan sa dakbayan sa Iligan.
