NFA palengke watch team, gimugna

28

Gimugna sa buhatan sa National Food Authority sa probinsiya sa Bukidnon ang “NFA Palengke Watch Team ” aron mobantay sa suplay ug presyo sa bugas ilabi na sa “NFA Rice” nga gibaligya sa mga “NFA accredited rice retailers” o “NFA rice outlets” diha sa mga merkado o sa ubang barangay.

Gipaningkamutan sa maong “team” nga walay kalapasang mahimo ang mga “NFA Accredited Rice Retailers” sa polisiya sa pagbaligya og “nfa rice” nga gitakda sa NFA sama sa mosunod: pagpasubra sa presyo (overpricing), pagsagol sa bugas nga nfa ug bugas nga commercial (mixing), dili pagbutang sa “price tags ug pagbaligya sa bugas nga walay “nfa license” ug dibersiyon ug uban pa nga wala nahisubay sa “philippine grains standardization program”.

Giawhag ang publiko sa pagtaho gilayon sa buhatan sa NFA kun adunay mamatikdan nga kalapasan sa maong polisiya alang sa igong aksiyon.

Facebook Comments