NFA Region 10, mipasalig og igong supply sa bugas

Gipasalig sa National Food Authority kon NFA Region 10 sa katawhan ning syudad sa Cagayan de Oro nga adunay igong supply sa bugas dinhi sa syudad o sa tibuok rehiyon.

 

Kini ang pamahayag sa representante sa NFA atol sa tigom City Price Coordinating Council nga gitambongan sa lain laing ahensya sa gobyerno diin gituki ang problema sa pagsaka sa presyo sa bugas karong panahona.

 

Matud ni Konsehal George Goking, Chairman sa komite sa trade and commerce nga plano niining magpalabang og ordinansa nga magdili sa repacking  sa NFA rice.


 

Gibutyag ni Goking nga kini maglakag niadtong mohimo sa pag repack sa bugas sa NFA ug pulihan sa laing brand.

 

Sa maong sugyot ipahamtang ang multa ug silot sa mga makalapas niini.

 

Nabalaka usab ang konsehal sa kalisod nga giantos sa  katawhan sa pagsaka sa presyo sa bugas.

 

Alayon niini, gibutyag sa representante sa NFA nga adunay daghang pundo sa bugas sa rehiyon 10 apan ang problema maong gi-repack ug gibaligya kini sa mga negosyante gamit ang laing brand sa taas usab nga presyo matag kilo.

Facebook Comments