PALO, LEYTE – Ginsiguro han National Food Authority Region 8 nga waray rice shortage ha commercial ngan household stocks kundi ha supply la han NFA rice.
An NFA rice in may 10% la nga total rice comsumption ha bug-os nga nasod nga ginkokonsumo han 8-10 milyones nga pilipino.
Sumala kan NFA Region 8 Assistant Regional Director Raymund Tafalia, ha kabug-osan in waray shortage kundi nagkukulang la an stock han NFA rice.
Dugang pa han opisyal, an average han Eastern Visayas agud matawag nga sadang an supply han NFA rice in maabot ha 400,000bags. Ha sitwasyon daw yana in maabot nala ha 62,000 la ka sako an supply han NFA rice.
“Dinhi ha Eastern Visayas an mga inagi nga panahon, an aton stocks at any given time is 400,000 bags. Yana 62,000 bags nala an aton stocks.”
Pahimatngon han opisyal nga nagkukulang an supply han NFA rice ha bug-os nga nasod mahitungod han pagkadilatar ha pag-import han 250,000 nga metric tons han NFA rice.
