Davao City – Dili matud pa igo ang 10,000 nga sako sa NFA rice nga gipang-apod apod ngadto sa mga retailers dinhi sa syudad sa Davao.
Sa interview sa DXDC RMN Davao sa usa sa mga nanag-iya og NFA accredited outlet sa Agdao Public Market nga si alyas Rico nga kulang matud pa ang 10,000 ka sako matag semana kun itandi kaniadto nga ginaapuran sila og 80,000 ka mga sako.
Dugang niini nga duha ka kilo sa usa ka tao lang ang ilang ginabaligya diin sa merkaduhan 32 pesos per kilo ang presyo samtang 27 pesos pero kilo sa mga rolling stores nga giapuran usab sa NFA Davao.
Hinaut nila nga madungagan ang pagpang apod-apod og mga sako sa bugas ngadto sa mga rice outlets kada semana.
Samtang giingon ni NFA Davao manager Leonila Selpa nga laumang muabot sunod bulan ang dugang 100,000 ka mga sako bugas Thailand nga gitagana sa Davao Region.
Una ng gikumpirma nga miabot na ang dugang 200,000 ka sako sa maong bugas sa Davao human nga na-delay tungod sa pagdaot usab sa panahon.
RadyoMaN Renz Barbarona
