Davao City – Nagtoo ang chairperson sa Committee on Agriculture sa konseho sa syudad sa Davao nga dunay gihimong pagkontrol sa bugas nga NFA karong panahona.
Sumala ni Davao City 2nd District Councilor Marissa Salvador Abella, kung dili kontrolon posibleng mahurot dayon tungod kay mao na kini paliton sa mga tawo kay barato.
Gipasabot usab sa konsehal nga dunay epekto sa mga yanong tawo ang pagkulang sa supply sa bugas nga NFA tungod kay buffer man lang ni siya, buot ipasabot reserba lang ug dili maoy saligan hinungdang kontrolahon.
Samtang gitataw usab ni Abella, dili rason dayon nga taktakon sa pwesto ang mga nagdumala sa National Food Authority (NFA) tungod sa nasinatiang kakulang sa supply sa NFA rice kay dunay natigayong pagkontrola.
RadyoMaN Bernard Pantallon
