NFA South Cotabato makabakal sang produkto nga palay sang mga mangunguma sang masobra isa ka libo kasako kada adlaw.

26

Nagalab-ot sa masobra isa ka libo kasako ang mabakal nga produkto nga palay sang mga mangunguma kada adlaw sang National Food Authority ukon NFA South Cotabato sa pito ka mga buying stations sini dire sa probinsya.
Suno kay NFA South Cotabato Provincial Manager Hazel Solis nga halos maakumudar man nila ang mga mangunguma nga nagadeliber sang ila nga produkto nga palay sa ahensya.
Ini tungod yara lang sa trese tubtob katorse pesos ang buying price sang mga traders sa probinsya.
May-angot sini, suno kay Solis nagapadayon ang ila nga pagpamakal sa produkto nga palay sang mga mangunguma kag may bastante pa sila nga pondo sa procurement operations.
Nahibaluan nga yara sa P19.00 kada kilo ang buying price sang NFA sa palay.

Facebook Comments