Davao City – Supisyente matud pa ang supply sa NFA rice sa tibuok Davao Region alang karong tuiga.
Kini may gipaniguro karon ni National Food Authority (NFA) Regional Manager II Engr. Lester Romeo E. Malana atol sa nahitabong iSpeak forum karong adlawa kinsa miingon nga adunay 177,000 ka mga bags sa NFA ang anaa karon sa rehiyon.
Dugang ni Malana nga karong Oktubre adunay muabot nga 300,000 ka mga sako gikan sa nasud Thailand, laing 160,000 ka mga sako sa Nobyembre ug kapin 12,000 ka mga toneladang sako alang sa bulan sa Disyembre.
“This will be distributed to the NFA outlets in the whole region where it can be bought by P32.00 in the major markets while P27.00 in barangay fund terminals (BFT),” segun niini.
Ang major markets dinhi sa dakbayan mao ang Bankerohan, Agdao, Toril, Matina, Bunawan ug Sasa samtang ang mga BFT mao ang sa Paquibato, Baguio ug susamang mga lugar.
Gitataw sa maong manager nga posibleng mubaba ang presyo sa mga commercial rice kung subayon ang law of supply and demand.
“We are going to have a meeting this October together with our contractors and other agencies to prepare the supply of (NFA) rice for 2019,” matud niini.
Samtang gi-awhag karon ang katawhan nga isumbong kanila ang mga nagapangabuso sama sa NFA rice diversion, rebagging, mixing ug adulteration ingon man ang pagpangharas konta grains businessmen ug ang pagpahigayon og iligal nga inspeksyon sa mga grain business establishment pinaagi sa ilang hotline nga 09218715921.
RadyoMaN Jason Amisola
