Migarantiya ang buhatan sa NFA Zambaonga del Norte nga himuon nila ang tanan aron ma preserbar ang kalidad sa stocks ug ikapasiguro sa mga konsumante nga anaa gihapon sa maayong kalidad ug sarang nga konsumo sa katawhan.
Kini nga programa naglambigit sa pag-uswag sa integrated growth ug paglambo sa industriya sa bugas ug sa tibuok tuig nga monitoring ug katumanan sa rules and regulations sa negosyo sa bugas. Ilawom niining programaha, ang tanan nga mga negosyante sa bugas nga nag operate ning probinsiya sigurohon nga makabaton ug lisensya sa NFA.
Ang mga personahe sa ‘Palengke Watch’ ang kanunay nga nagpahigayon ug price monitoring sa mga kamerkadohan partikulamente sa duha ka siyudad ang Dipolog ug Dapitan ug ang lungsod sa Sindangan ug Polanco, kini aron pagsiguro sa mga konsumanteng publiko nga dili mahiagom sa price inflation of rice. Kung mahidangat na ang alokasyon, ang Palengke Watch team mupahigayon ug inspeksyon ngadto sa NFA accredited outlets ug e monitor ang sales ug distribution sa NFA rice.
Nasayran nga ang NFA Zamboanga del Norte adunay upat (4) ka units sa operational mechanical dryers nga 120 ka bags matag batch drying capacity. Ang ahensya padayon nga magserbisyo sa mga mag-uuma sa District I ug II pinaagi sa ilang Municipal Level Grains Center (MLGC) nga nahimutang sa Barangay Sta. Teresita sa Piᾐan ug sa Barangay Calacas sa lungsod sa Siayan.
Ang ahensya aduna sab kini upat ka fully operational mechanical dryers alang sa probinsya nga gipahimutang sa dakbayan sa Dipolog, Siocon ug Liloy. Ang maong mga pasilidad magamit niadtong mga interesado nga mo-abang alang sa palay drying ug mais sa resonableng balayronon.
Ang ahensya sa NFA Zamboanga del Norte adunay gimugna nga pagpangandam o gitawag nga ‘Oplan Paghahanda’ Disaster Operations Center diin 24 oras nga naka standby alert aron makaresponde panahon sa kalamidad ug emerhensya.(PIC-JoyEngoc)
