Davao City- Nagpahigayon og seremonyas ang lokal nga panggamhanan sa pagkomemorar sa National Heroes Day karong adlawa sa Osmeña Park ning dakbayan.
Gisugdan pinaagi sa wreath laying ceremony ang aktibidad sa pagpanguna ni Davao City Mayor Sebastian Duterte uban si Naval Forces Eastern Mindanao (NFEM) Commander Commodore Carlos Sabarre ug Task Force Davao Commander Col. Darren Comia.
Gisaludhan ni Mayor Baste ang present day heroes dungan usab sa paglantaw og balik sa mga gihimong sakripisyo sa ilahang kinabuhi sa mga Pinoy nga bayani kaniadto aron makab-ot ang kagawasan sa mga langyaw nga nisakop sa nasud.
Gitataw ni Commodore Carlos Sabarre, NFEM Commander nga bisan ang mga ordinaryong lungsuranon nga gatuman sa balaod ug responsable matawag nga mga bayani.
Gitambungan ang aktibidad sa mga kadagkuang opisyales sa security sector ug City Government of Davao.
RadyoMaN Aimee Guinita
Facebook Comments
