El Naval Forces Western Mindanao ya recivi Plaque de Commendacion desde na Sangguniang Panlungsod de Zamboanga durante el 18th regular session del Consejo este dia martes Juño 5,2018.
El Plaque de Commendacion ya alcansa mismo si City Secretary to the Sangguniang Panlungsod, Atty. Kenneth Vincent P Beldua y ya recivi si Naval Forces Western Mindanao Commander Rear Admiral Rene V Medina AFP.
Si Medina na su mensahe durante el ceremonia, “Recognizing our recent success through this Plaque of Commendation means a lot to us. This gesture humbled me and my men. This somehow motivates us to work even harder and be always at our best so when duty calls, we will be able to respond without any reservation.”
Ya habla pa si Medina que na mas de un año ya pwede sila man record zero kidnapping na mar y ya pwede tambien sila ase abaha el numero de crimen que ya comete na mar.
El award que ya dale ya adopta desde na Resolution numero 723 del Govierno local del Ciudad de Zamboanga donde ta comenda con el mga personajes del Naval Forces Western Mindanao como ya escuji comi el Naval Operating Forces of the Year 2018 durante el 120th Anniversario del Philippine Navy.
