Ngaran ni Mayor Romualdez, gin-gamit para magpabook ha pension house

TACLOBAN CITY – Gin gamit an ngaran ni Mayor Alfred Romualdez ha pag check-in ha usa nga pension house han Tacloban City.

Ha interview ni Jake Tatoy kan P/Capt. Marjorie Manota, tagapagyakan han Tacloban City Police Office, mayada tumawag nga unknown person ha telepono han Daniel’s Pension House han Brgy. 77 Fatima Village, Tacloban City ngan nagpakilala nga hiya hi Mayor Alfred Romualdez.

Nagpabook daw ini hin room kanan lima (5) katawo ngan nagpaprepare pa hin wine nga jack daniel.


Diri la ini asya an request han nag-ala Mayor Romualdez, nagrequest pa ini hin P2,000 worth han load.

Ginloadan naman han staff han pension house an number nga gin-gamit pagtawag han uknown person.

Waray pa ini kakontento, nagpadugang pa hin another P2,000 worth han load nga ginloadan naman utro han staff han pension house.

Nagrequest na liwat utro hin another P2,000 nga load ngan didto na napausa an usa nga pawnshop kun diin nagpaload an staff han pension house.

Sumala han staff han pension house, na-scam kamo han nag-ala Mayor Romualdez.

Iginreport ini kasangkulop, November 4 han staff han pension house ha Tacloban PNP.

Sumala kan P/Capt. Manota, nakikipag-coordinate na hira yana ha National Telecommunications Commission (NTC) para ma-trace kun hino an tag-iya han numero nga gin gagamit han nag-ala Mayor Romualdez.

Pero sumala kan Manota, makukurian an NTC pag trace han gin gamit nga numero tungod nga bangin ginlabog na yana an sim card han suspek.

Panawagan ni Manota ha mga establisyemento nga diri tumuod ha mga nagpapakilala nga personalidad labi na kun tumawag la ini gamit an cellphone o telepono.

Facebook Comments