Niadto pang Biernes Mayo 11, gitakda na sa National Grid Corporation of the Philippines (NGCP) ang pag-activate sa ilang Overall Command Center nga molungtad hangtud Mayo 17, 2018 isip kabahin sa ilang preparasyon sa pagsiguro sa power transmission operations and facilities atol sa Barangay ug Sangguniang Kabataan elections karong tuiga.
Nasayran nga andam na ang ilang contingency plans aron pag-monitor ug gilayon pagtubag sa bisan unsa nga grid disturbance.
Human nga ang Mayo 14 gideklara nga usa ka special non-working day, ang NGCP’s critical units sama sa System Operation (SO) ug Operations and Maintenance (O&M) magpabiling fully staffed ug operational.
Ang mga line crews, engineers, pilots, maintenance ug testing ug ubang technical personnel ang usab naka-andam kanunay nganha sa NGCP substations aron pag-respond sa line trippings kung kini mahitabo.
Ang “NGCP’s Integrated Disaster Action Plan (IDAP) misiguro sa maong lakang aron masiguro ang kaandam sa tanang power transmission facilities nga maapektuhan sa mga emerhensiya.
Subay sa ilang security and contingency preparations nga gi-andam, ang NGCP misiguro sa usa ka reliable power transmission services sa wala pa, atol o human sa adlaw sa eleksyon. -30-
