Zamboanga City- Ya confirma el District Manager del National Housing Authority o NHA na Region IX Al-Kwarisimi U.Indanan kay tres identificao maga persona el con quien sila planta kaso que ya causa na destroso del unit na Z3R Housing Project na Barangay de Tulungatung .
Ya habla si Indanan , ya puede sila determina que estos tres persona ya conduci extensive renovation sin el necesaryo permiso desde na Govierno Local , o abiso man lang desde na opisina de Ehiniero y na Opisina de NHA si kemodo el asida de renovacion .
Si Indanan ya habla kay con quien sila planta el kaso con el ocupante de kasa y con el persona con quien ya man Hire el duenio del kasa para ase el renovacion que ya causa na grande destroso del structura sin el propio professional supervision .
Un Independent Fact Finding Investigation el lo que ya conduci na maga structura na Z3R na Tulungatung y este segun el resulta del imbestigasyon segun con Indanan , si porque el NHA Manila ya dale el go signal para el plantada de kaso contra con el tres persona que ya identifica como canda Untal Amrin Joe Pakkal , Untal Sarip Mohammad Ismael y Untal Ali Akbal Mohammad Kahal .
Acordando , cuando del mes de Febrero ya man collapse el uno del maga unit na Z3r , que ya causa lingasa con maga ocupante que socede el semehante incidente na diila maga units .
El Govierno Local del mas temprano ya conduci el imbestigasyon y ta aparece que el contratista del Housing Project na Z3r el ya usa maga sub-standard materiales que ya causa para man collapse el un Unit , Mientras mas de cuarenta maga unit el necesita pone baho na renovacion despues tiene ya maga crack .
