Ang suspek giilang si Rhialyn Herrera, 36 anyos nga taga-Zambales City.
Na-rescue sa Bajada Police Station ang baby sa pagpanguna ni Police Major Antonio Luy, Station Commander ug sa koordinasyon sa Tugbok Police Station sulod sa balay sa suspek sa Mintal Relocation, Tugbok, Davao City.
Gibutyag ni Luy, tungod kay dili magkadimao ang pamahayag sa suspek ipailawom kini sa psychiatric evaluation.
Samtang, gibuhian sa kapulisan ang live in partner sa suspek human nasuta nga wala kiniy partisipasyon sa krimen.
Sa interbyu sa DXDC RMN Davao sa suspetsado, gidagit niya ang bata aron nga kini ang mapakita niya sa iyahang live in partner sa giingong na-missing nila nga anak.
Adunay laing police operation nga ilusad ang Bajada Police Station aron maimbestigahan ug mahibaw-an kung asa na karon ang baby sa maong suspek.
RadyoMaN Aimee Guinita
