Giangkon ni Police Captain Hazel Tuazon, DCPO Spokesperson nga dakong hagit sa Oplan Siyasat Team nga gitahasan sa kaso tungod kay wala pa gihapoy nigula nga eye witness sa krimen.
Segun ni Tuazon aduna na silay gitutukang mga persons of interests.
Sa imbestigasyon posibleng nakauban pa sa 57 nga biktimang si Lilian Nieva sulod sa balay ang mga nihimo sa pagpatay tungod kay walay nakitang forcible entry sa sulod sa iyahang balay sa Phase 1, Blk. 101 Lot 3, Deca Homes Talomo niadtong September 28.
Napalgan si Nieva sa iyahang igsuon nga patay ug nakahiagom og 44 ka mga samad dinunggaban ug missing usab ang pipila ka mga gamit niini.
Samtang, nidangop na usab sa National Bureau of Investigation 11 ang igsuon sa biktima aron sa hinanaling panahon makab-ot sa pamilya niini ang hustisya ug madakpan ang mga responsable sa krimen.
RadyoMaN Aimee Guinita
