Night Express, Agsubli nga Agpasada iti Kalsada – MINC

Laoag City – Agsubli manen nga agserbi ti Night Express a programa ti Metro Ilocos Norte Council (MINC) a programa ni Gobernador Matthew Marcos Manotoc.

Segun ken ni Mr. Perry Martinez, mangidadaulo iti MINC, agsubli dagiti pampasahero a jeep nga agpasada iti rabii aginggana iti oras ti alas dies (10:00 PM).

Mamati ni Martinez a solusion daytoy ti parikot dagiti ‘commuters’ nangnangruna iti tiempo ti rabii, ngamin, awanen ti jeep nga agbiahe manipud iti siudad ti Laoag nga agpasada aginggana kadagiti kabangibang nga il-ili kas iti San Nicolas, Sarrat ken Bacarra.


Kalikagom ti MINC a manayunan dagiti rota dagiti agpaspasada a jeep aginggana iti Pasuquin iti umamianan, Solsona iti dumaya ken siudad ti Batac met iti abagatan.

Mangrugi iti daytoy nga operasion intuno Nobiembre 6, 2019 (aldaw iti Mierkules).

Facebook Comments