Davao City – Usa ka Night Market gitukod sulod sa 10th Infantry “Agila”Division Philippine Army sa Camp Panacan, Davao City.
Gibutyag ni 10th ID Philippine Army Spokesperson Army Captain Mark Anthony Tito, mag-abli ang ilang night market gikan alas 6:00 sa gabii hangtod alas 10:00 sa kagabhion.
Gisulti ni Captain Tito, abli sa publiko ang ilang night market apan hugot ipatuman ang pagsusi sa mga sibilyan nga musulod sa kampo aron maglipay, diin magsilbi kini sulod sa onse ka adlaw.
Sigun sa Tigpamaba, daghan kapilian sa pagkaon nga gitinda sa mga gagmay’ng negosyante nga gikan sa People’s Organization ug uban pang mga produkto.
Ang Night Market kabahin sa usa ka semana nga mga aktibidad sa 17th Founding Anniversary sa 10th Infantry “Agila”Division Philippine Army karong August 16, 2023.
RadyoMaN Joel Viray
Facebook Comments
