TACLOBAN CITY – Plano yana han Tacloban City Government nga magkaada hin night market ha syudad kun diin igbubutang an mga ambulant vendors.
Ini in matapos magkaada hin dialogue ha butnga han mga opisyales han Tacloban Public Market ngan mga vendors kun diin mayada inisyal nga pagka intindihay nga igtitindog an night maket ha Tarcela street tubtob Gomez St.
An iba ha ira nagruruha-duha tungod nga mayada hira mga baligya nga diri masurong ha gab-i.
Mag aabri an night market alas 7:00 han gab-i tubtob 12 midnight kada adlaw.
Mababaruan nga umatubang hi Mayor Alfred Romualdez ha mga ambulant vendors kun diin ginklaro niya nasunod la an Local Government Unit (LGU) ha order ni Presidente Duterte nga limpyuhan an mga sidewalks ngan tanggalon an mga nagpapakaulang.
