Davao City – Gikabalak-an karon sa health official sa Southern Philippines Medical Center (SPMC) ang subling pag abri sa Roxas Night Market nga posibleng maoy hinungdan sa pagtaas sa kaso sa Coronavirus Disease 2019 (COVID-19).
Sa interview sa DXDC RMN Davao kang Dra. Marie Yvette Barez sa Infection Prevention and Control Unit of SPMC, gibutyag niini nga dakong challenge ang pagpatuman sa standard health protocols sa lugar labi na nga lugar kan-anan kini og posibleng mudagsa dinhi ang mga nagkadaiyang individual.
“Mao na ang isa ka challenge. Labi nga daghang tawo ang mag paso-paso. I don’t know if ma-practice ba ang social/physical distancing diha. Atong problema diha kay basig mudaghan napud og samot ang kaso (sa COVID-19),” segun ni Barez.
Una nang gibutyag ni Davao City Mayor Sara Duterte-Carpio nga aduna nay mga pagpangandam nga gihimo sa subling pag-abri sa Roxas Night Market sa Septembre diin nakita na usab sa alkalde ang disenyo ug sistema sa mamahimong set up sa lugar panahon sa pandemic.
RadyoMaN Kirby Manzon
