Pagadian City – Prisohan ang gitugpahan sa lalaking nipakatap og mga peke nga P1,000 sa syudad human nadakpan kagabii dihang dapita sa Balutan nga Bahin sa Brgy. Gatas ning dakbayan.
Ang kapulisan miila sa nadakpan nga siJeffery Gamil, taga lungsod sa Tigbao ning Probinsya sa Zamboanga del Sur.
Sa nakuha nga impormasyon sa RMN Pagadian unang nitaho ug nipaabot sa reklamo ngadto sa otoridad ang balut vendor nga si Jolito Suan dihang gipalitan sa suspek og tulo kabook balut gamit ang peke nga P1,000.
Apan samtang nag-andam sa sensilyo, nakamatikod sila nga peke ang maong salapi aron dili makabantay ang suspek wala una mopalag ang tag-iya sa tindahan ug mitext kini sa kapulisan.
Demalas ang suspek tungod naabtan pa kini sa niresponde nga pulis og dihadiha gidakop.
Mahinumduman nga daghang misumbong ning sibyahan nga gibayran sila og peke nga P1,000 sa usa ka lalaki sa gipalit niini sa ilang tindahan.
Tungod niini, nanawagan ang kapulisan nga modulo kanila ang mga biktima aron maoy mutudlo kun mao raba nga suspek nga niilad kanila.
