NIR pagatalakayon sa cabinet meeting sa Marso 6

144

Bacolod City – Pagatalakayon naman ni Presidente Rodrigo Duterte kag sang iya gabinete  ang mangin kapalaran sang Negros Island Region (NIR) sa isa ka meeting sa masunod nga semana. Ginpahayag ni Negros Occidental Governor Alfredo Marañon, Jr. nga nakabaton siya sang impormasyon nga kabahin ini sa agenda sa Marso 6 nga cabinet meeting.


Suno sa gobernador nga si Interior and Local Government Secretary Ismael Sueno ang magapresent sang isa ka comprehensive report nahanungod sa NIR sa amu nga meeting. Si Sueno,  upod ang halos tanan nga mga cabinet secretaries, magluwas lang kay Budget Secretary Benjamin Diokno, ang nagabulig para matigayon ang pagkarehiyon sini nga nangin handom sang Negros Occidental kag Oriental duha na dekada ang nakalipas.


Una na nga nagpabutyag si Secretary Sueno nga wala man sang problema kay Presidente Duterte kon ipabilin ang NIR bangod amu sini ang gusto sang mga Negrenses.



 

Facebook Comments