Nisukol sa operasyon sa kapolisan napatay

6

[image: 1.jpg]
Gideklarang dead on arrival sa Malungon Municipal Hospital ang suspek sa drug war operation sa kapolisan human matod pang nisukol og nagpabuto sa iyang armas ngadto sa nag-operate nga kapolisan.

Giila ang suspek sa pangalang Greggy Agos hamtong ang edad og residente sa Sitio Pulotana Barangay Malandag Malungon probinsya sa Sarangani.

Mag-serve ra unta og search warrant ang kapolisan ngadto sa panimalay sa suspek tungod sa pagkalambigit niini sa iligal nga droga og paghupot sa loose firearms.

Samtang sa panimalay sa suspek nabawi didto ang armas og mga pakete sa gituohang iligal nga drogang shabu.
Nakamatikod matod pa ang suspek sa presensya sa kapolisan og nikuha kining armas dayong pabuto ngadto sa operatiba raso nga gibaslan og naigo sa parte sa iyang kalawasan.

Nigawas na matod pa ang pangalan ni Agos sa mga nalambigit sa iligal nga droga sa munisipyo sa Malungon.

Ang operasyon gilangkuban sa mga operatiba gikan og Regional Police Drug Enforcement Unit (RPDEU), Sarangani Provincial Police Office ug Malungon Municipal Police Station.

Facebook Comments