Nisukol sa pulis, patay sa buybust operation

Surallah, South Cotabato – Nakabsan sa iyahang kinabuhi ang drug suspect nga gikaingong nisukol sa gipahigayong anti-illegal drugs operation pinaagi sa buy bust operation sa Purok Rosas, Barangay Dajay, Surallah, South Cotabato.

Sa impormasyon gikan sa kapolisan, usa ka joint operation sa Surallah MPS gipangunahan ni PMaj. Romy Castañares, RPDEU 12, SCPPO PIU, 2nd PMFC ug pakig-alayon sa PDEA XII gilusad ang buy bust operation batok sa suspek nga si Abubakar Abo alias Bakal, 31 anyos, minyo og residente sa Balanaken, Datu Piang, Maguindanao.

Dugang impormasyon sa kapolisan, nakamatikod matod pa ang suspek nga elemento sa kapolisan ang nakatransaksyon rason mibunlot og armas dayon pabuto ngadto sa poseur buyer na pulis.


Gibaslan usab sa kaubanang mga pulis ang suspek nga naka-posisyon sa pagdepensa og nahiaguman sa suspetsado ang multiple gunshot wounds sa ubang bahini sa lawas.

Gidala sa kapolisan ang suspek ngadto sa Javelosa Hospital alang sa medical treatment apan gideklarang dead on arrival.

Nakumpiska sa kapolisan gikan sa suspek ang upat ka dagkong pakete sa gidudahang iligal na drogang shabu kauban pa ang duha ka pakete sa shabu nga buy bust item duha ka 500 pesos na salapi nga maoy marked money, .38 caliber revolver na may duha ka buhing bala ug fired empty cartridge sa cal.38.

For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: nisukol.jpg]

Facebook Comments