Nanguna sa panalo ng NLEX si Ola Ashaoulu na umiskor ng 26 points at 13 rebound.
Nakagawa naman ng 15 points, 6 rebounds, at 6 assists si Jericho Cruz para mapanatili ang lamang ng NLEX sa Rain or Shine.
Nabalewala naman ang 35-point effort ni Denzel Bowles para sa Elasto Painters.
Ito na ang ikatlong pagkatalo ng Rain or Shine matapos ang ika-anim na laro sa 2019 PBA Commissioners Cup habang ito naman ang kauna-unahang panalo ng NLEX kontra Elasto Painters simula noong 2017.
Samantala, nilampaso ng Phoenix Pulse ang Barangay Ginebra matapos talunin sa iskor na 111-103.
Nakaambag sa panalo ng Phoenix sina Matthew Wright na umiskor ng 32 points at Richard Howell na may 31 points.
Ipinalabas naman ng court si Phoenix Coach Louie Alas, matapos siyang patawan ng dalawang magkasunod na techinical fouls sa ika-apat na kwarter ng laro.
