NNC: Davao Occidental, nag-una gihapon sa mga aduna’y daghang putot o ‘stunted’ children sa Davao Region

Nagpahinumdom ang National Nutrition Council (NNC) Davao Region nga labing importante sa adlaw-adlaw nga pagkaon ang protein ug calories lakip na ang mga prutas ug gulay alang sa natural micronutrients, vitamins, fiber nga makaalalay sa pagtubo sa mga bata.

Kini human gipagula sa NNC ang datos nga nagpabilin gihapong nag-una sa listahan ang Davao Occidental sa mga aduna’y daghang putot o ‘stunted’ children nga makonsiderang malnourished nga gisundan sa Davao Oriental, Davao del Sur, Davao de Oro, ug Davao del Norte.

Sa ekslusibong interview sa DXDC RMN Davao kang NNC-Davao Regional Coordinator, Dr. Maria Teresa Ungson, gibutyag niya nga mas taas ang ihap niini karong 2023 sa Sarangani, Davao Occidental nga naa sa 25.2% kung itandi sa 21.3% niadtong 2022.

Hinuon, mas ubos ang stunting rate karong tuiga sa rehiyon onse nga anaa sa 5.2% kompara sa 2022 nga dunay 5.8%.

“Pag ang bata palaging may sakit, compromised yung health nya, usually defective ang diet nya. Meron din congenital diseases that affects the child’s growth as well,” pasabot ni Ungson.

Dugang pa sa opisyal nga padayon ang ilang pagpangita og paagi sa pagtabang sa mga bata nga mamaayo ang ilang height ug timbang aron malikayan ang stunting cases ug malnourishment.

RadyoMaN Ivy Parido